鬼哭神嚎︱郭晉安讚陳煒拍喊戲似環保電動車?

20220628
東網電視
更多新聞短片
視帝郭晉安(安仔)與陳煒(煒哥)齊齊於無線回歸劇《回歸》大展喊功,他們出席活動時,安仔憶述:「最難忘其中一場戲,交代我要賣咗間小菜館先至可以救到個夥計,我好唔捨得摸黑喺度抹枱,煒哥入嚟安慰我,我講完一句對白即刻爆喊!」
他又爆煒哥亦相當喊得:「有日佢趕住出外景,但導演同佢講拍埋少少先。煒哥問佢要拍啲乜,導演話妳企喺度喊就得,佢即時喊得出,然後好似冇事咁出外景!」於是安仔讚煒哥的喊戲如環保電動車「唔會嘥力」,煒哥則指安是「高性能跑車」:「喊功好有爆炸力!」
問到現實生活中二人是否易喊,安仔坦言:「我係㗎,睇戲或者一句對白都可以觸動我。最近我14歲嘅囝囝同我討論價值觀,佢話係我教佢嘅,我都感動到想即刻喊出嚟。」煒哥笑叫安仔做「喊包安」,她指自己平日比較理性,但補充:「唔知點解見到升旗禮或運動員得獎,我就忍唔住喊,呢方面好渣,嗰吓爆汗好感動,好想喊出嚟。」另外,問到煒哥日前其好友何國鉦透露她將於年底舉行婚禮,煒哥答:「佢講啫,我都未有計劃!」