連詩雅三點式上陣騷逆天長腿　「未來老公」陳家樂留言：增肥Pls！

「長腿女神」連詩雅（Shiga）自宣布與陳家樂訂婚後，心情靚爆，不時都喺社交網分享靚相。今日（28日）佢就同一班好姊妹去咗游水，仲貼出性感水着照。見Shiga三點式上陣，大晒性感腹肌加一對逆天長腿，火辣身材一覽無遺。之後佢仲同一班好姊妹嚟個「水着大合照」，非常養眼。

Shiga仲喺貼文寫到：「與認識差不多快20年的3位6月之星一起預祝，想不到已經走過不少個慶祝，又中學認識到現在，大家經歷了不少變化，有做老師的、有做醫生的、有做專業人士的，但是初心還在。走在一起，還是小時候，有著這樣的友誼已經很幸福，希望我們10年、20年、30年後繼續一起過，祝我們大家都身體健康！」唔少網民都大讚Shiga同非常Sweet，而佢嘅「未來老公」陳家樂亦留言話：「增肥pls！」睇嚟家樂鍾意Shiga有「肉地」多啲呀！