西化吳偉豪為新劇學中醫 手拮3針做戲好驚青

20220629
東網電視
更多新聞短片
藝人吳偉豪近日忙於趕拍無綫新劇《你好,我的大夫》,求學時入讀國際學校的他,生活上一直都是接觸「鬼佬嘢」為主,難怪他坦言開工前幾乎從未接觸過中醫:「呢方面真係冇乜認識,好彩預備開工時都有上過堂,加上有中醫顧問跟場,自己放心好多。」
他笑言最緊張是針炙一環﹕「試過有場我同陳嘉慧嘅對手戲,我要喺手背自拮一針,然後再由『替手』拮多兩針作道具,一隻手吊住三支針咁嚟做戲,劇情仲交代我郁嚟郁去,其實都有啲驚。(依家多咗認識,係咪開始信中醫技術?)拍戲空檔,我都有叫中醫顧問幫手按摩啪骨舒緩吓,原來真係好有用,成個人舒服晒咁。」