Rapper熱狗新歌疑寸Angelababy　鄧紫棋變「櫈子騎」

台灣饒舌歌手MC HotDog（熱狗）於6月22日上傳新歌《Ladyboy》，內容就抽晒當紅藝人Angelababy及鄧紫棋（G.E.M.）水，即極速因歌詞惹上爭議，因為歌詞中佢提到：「小心我把你當成櫈子騎，又愛又恨死你，那個差不多的姑娘會不會正是你，你是我的Angelababy還是卑鄙，又Maybe」當中嘅「櫈子騎」就疑似係「鄧紫棋」諧音，有語帶雙關嘅意味，提到Angelababy時仲夾雜住負面詞彙，令好多粉絲感到不滿，認為熱狗唔尊重女性：「用名字的諧音梗真的很不尊重人」、「這是在罵人吧！」Angelababy助理就即時發文稱：「不好意思，不是你的angelababy。」

而鄧紫棋曾喺2019年寫過一首《差不多姑娘》，當時坦言係致敬熱狗2012年推出嘅《差不多先生》，時隔7年鄧紫棋參加說唱節目改編熱狗嘅歌，又喺熱狗面前表演，熱狗當時狂讚鄧紫棋改編有自己風格，二人未似有交惡。