張曦雯罕晒與男友合照放閃　網民激讚有夫妻相

藝人張曦雯（Kelly）與美日混血男友Mark拍拖多年感情穩定，近日Kelly拍畢無綫新劇《破毒強人》，難得可以放假休息一下，即孖住Mark拍拖，去到大嶼山心經簡林行山兼放狗，「一家三口」勁溫馨！Kelly仲罕有晒出同Mark嘅正面合照，2人表現甜蜜相當合襯，而且不但笑容一致，加上Kelly短頭髮嘅關係，佢哋愈嚟愈似樣，獲網民大讚有夫妻相，Kelly仲表示：「在一起最開心」，低調向男友示愛放閃，而好姊妹高海寧亦留言：「「好靚～好帥～好sweet」。