湯怡斥6位數開餅店忙到出煙 麥秋成一「夫」當關撐到盡

2022年06月29日 23:01
東網電視
更多新聞短片
藝人湯怡近日相當忙碌,除了要為新片《內幕》開工外,還要打理荃灣的餅店。她日前更於金鐘開設Pop Up Store,雖然如此,但湯怡忙得相當開心,因有好老公麥秋成全力支持,仲要瞓身幫手。日前,湯怡便於金鐘的Pop Up Store坐鎮,麥秋成則搬麵包、執貨擺位以及Sell客,一夫當關,相當幫得手!
湯怡受訪時「冧爆」大讚無得頂,亦指全靠老公,她才能有勇氣開店舖,並且愈做愈大,繼金鐘之後,她便會到九龍區繼續搞Pop Up Store,她還指餅店現有6位員工,每次編更表都編到頭都大。
投資了6位數字開餅店,每個月亦要應付不少開支,壓力當然非常大,幸湯怡獲麥秋成無論金錢以及心靈上的大力支持,令她可以克服很多困難,老公如此抵錫,問湯怡會怎樣獎勵對方,她笑言:「陪住佢已經係。(生多個?)大家都有諗、有計劃,不過,依家比較忙,等餅店鞏固啲,有多啲時間先。」
麥秋成受訪時,跟太太口徑一致,指陪伴是送給對方最好的禮物,但至於「生多個」這個話題,秋成豪氣地表示:「我哋可能隨時會爆出嚟,畀個驚喜大家嘛。」對自己能力信心十足。