法國導演前夫爆料　張曼玉書信暗示「此生永不復出」

法國導演奧利華阿薩耶斯（Olivier Assayas）2002年與女星張曼玉離婚，不過近日奧利華就將二人1996年合作嘅舊作《女飛賊再現江湖》改編，拍成劇集《迷離劫》（Irma Vep），更改由去年憑電影《尚氣與十環幫傳奇》蜚聲國際嘅陳法拉做女主角，取替前妻。大家都好奇點解奧利華唔搵前妻客串一角？

最近佢受訪時，就坦言曾寫信問張曼玉願唔願意復出拍戲？佢冇估到會收到冷淡回應，更指張曼玉似係暗示已下定決心呢生都唔會再復出拍戲：「不，我不想演，基本上我已經不想拍戲了，但當然過去的一切是屬於我們的，所以做你想做的事都是對的，如果你想要我的祝福，我會獻上我的祝福。」仲話佢認為演戲已經唔再屬於佢嘅世界，短短幾句話就令人聯想到佢對做演員毫無留戀嘅真實心情。