陳宇琛太太佗B 14周　扭腰狂跳35分鐘Zumba舞

藝人石修仔仔、現年42歲嘅陳宇琛（Sam）最近宣布老婆林佑蔚（Camille）懷孕，依家已經佗B 14周，不過Camille就好似坐唔定，未有好似傳統媽咪咁乖乖安胎，反而上載自己大跳Zumba嘅影片，更留言：「14周為身心狀態Keep住做運動。第一次跳呢隻Zumba。好多人問我平時做乜嘢運動，35分鐘Zumba係其中一部分。懷孕過程身體變化可以好大，會不斷同大家分享我嘅旅程。」

見佢多次揈手扭腰，當中又有腰張開等舞蹈動作，不過見佢都未有出盡全力跳，力度洽到好處，難怪老爺都留言畀Like，老公陳宇琛更大讚太太為BB保持身心健康，一家人都力撐Camille，網友都話好羨慕佢家人咁開通，唔會逼佢坐定定。