Marf搣甩齊陰變靚　唔敢諗剪短髮：日日匿埋喊

女子組合COLLAR成員邱彥筒（Marf）與蘇雅琳（Ivy So）今日（30日）現身活動，現場有粉絲大叫她們好靚女，Ivy昨日（29日）和今日連續兩日都出活動，她表示：「好開心，終於有多啲活動見到大家，可以睇到我變成點，我又可以睇鞋、食嘢和玩吓！好開心！」

Marf一改齊陰造型，她稱最近忙跳舞及學戲，對換造型見大家感興奮，笑言：「其實係太忙冇時間剪髮，不妨撥開蔭，等空氣流通啲，其實以前都冇留蔭，所以冇唔慣，可以貪心試更多造型。（會聽吓粉絲意見？）好難，佢哋都50/50，最緊要可塑性高。」又言暫時不捨得剪短髮，她覺得長髮令她有安全感，問到若有角色需要她剪短會否接受？她笑言現在考慮已經手心出汗，難以想像剪短後情況，笑言：「可能日日匿喺屋企喊。」Ivy也不太接受剪短，原來以前試過被媽咪要求剪短髮，自言新陳代謝較慢，相信髮型師都不會支持。