蓋鳴暉重演經典戲寶　難忘當年揚威日本

粵劇名伶蓋鳴暉（Joyce）接受香港開電視專訪，分享其主演的經典戲寶即將重演，坦言對此感慨良多：「自從2011年開始同李居明大師合作，好慶幸能夠重複演出，而今次已經係第11度演出，好興奮同好開心！我哋嘅班底已經合作咗好多年，默契相當好，希望再次演出嘅時候，能夠更加昇華，感情演繹方面更加細膩，刻骨銘心、扣人心弦！」

談到該經典戲寶早年曾揚威日本，她亦都充滿回憶：「當時好開心亦都好難忘，因為我哋嘅粵劇從未試過去到日本演出，嗰陣我哋做咗好多功課，做晒日文同英文字幕，希望大家可以一齊投入！本身好欣賞日本人好友善好有禮貌，而且好尊重舞台藝術，佢哋真係鴉雀無聲咁樣睇晒成場，仲盛裝着晒和服出席睇我哋演出，我哋當時好感動！」