容祖兒25年前後靚樣冇變過 陳偉霆仔大18變

2022年07月02日 12:03
東網電視
更多新聞短片
今年香港回歸25周年,適逢昨日七一回歸,不少圈中藝人大晒25年前照片,紀念呢個特別時刻,其中天后容祖兒帶頭甫相,佢喺社交網晒出當年17歲嘅靚相,當時嘅佢尚未正式出道,只剛由唱歌比賽勝出,初試啼聲嘗試出歌,現時已搖身一變成為無人不知嘅天后,佢坦言:「那一年我17歲,有幸在這麼好的時代,可以讓自己的音樂夢想一步步實現。」相中見佢相當青澀,但靚樣同現時分別不大,認真凍齡。至於同門嘅師弟陳偉霆都有晒相,甫出一張12歲嘅童年照,見佢正玩緊遊樂設施,樣子十分可愛。而謝霆鋒則甫出當年推出嘅首張唱片封面,意義重大。