鍾欣潼瘦出新高度　公開最強螞蟻腰辣㷫宅男

藝人鍾欣潼（阿嬌）於真人騷《乘風破浪》重現顏值巔峰，瘦出新高度，而且每次出嚟都有新驚喜，之前佢就Deep V香檳金洋裝上陣大晒心口，新一場公演佢仲神還原20年前經典，再次表演打觔斗，大騷好身手，力證寶刀未老，內內外外都保持青春。但原來好戲在後頭，佢喺社交網上載練習《星星點燈》時嘅花絮跳舞片，舞姿靈活可愛充滿少女味之餘，最重點係佢着上短版白Tee，完美展現超強螞蟻腰，仲隱約有腹肌線條，認真弗到漏！