何雁詩囝囝滿月有8磅重 取名Asher原來係咁解!

2022年07月02日 17:07
東網電視
更多新聞短片
歌手何雁詩上月1日為老公鄭俊弘誕下愛子Asher,尋日(1日)係Asher滿月嘅日子,何雁詩喺社交網晒出一家三口嘅全家福,睇到佢抱住囡囡挨喺鄭俊弘身上,Warm到爆呀!佢以長文形容呢個月升呢做新手媽咪嘅感受,留言:「過去這個月我們哭過笑過,儘管有好迷失的時候,但每一次看到你,想像着我們可以一直看着你成長,就覺得這一切實在很值得,快樂時和你一起笑,跌倒時和你一起痛,迷失時會為你帶路。你實在長大得太快了,一個月前還是6lb小饅頭,今天已經是8磅大的火雞仔。」
佢感謝父母全力支持,喺佢入院期間為佢奔波勞碌,佢仲講點解那囝囝個名叫Asher Douglas Cheng:「Asher,是我們給寶寶的一個blessing,名字有happiness的意思。成功與否並不重要,人生本有高低起跌,只在乎於觀點與角度。Douglas—fred公公的名字,希望你能像爸爸一樣重情重義,特別記住家人永遠是你的後盾,無論世界變得怎樣,家庭總會支持你。」雖然佢已請堪輿學家李丞責為兒子改中文名,但佢未公開囉!