歐陽娜娜深夜派線　都唔及家姐「百年一露」咁吸睛

台灣女星歐陽娜娜上月啱啱過咗22歲生日，又大一歲嘅佢近年愈嚟愈有女人味，不時偶爾性感示人，早前佢就突然深夜大解放，喺社交網上載一輯黑夜海邊照，見佢着上黃色吊帶裙，先側身回眸露出白滑香肩，再轉正面微微露出線頭，然後又喺沙灘奔跑，充滿少女情懷，即獲網民大讚靚到似「在逃公主」。

另邊廂，其家姐歐陽妮妮巧合地亦罕有喺社交網派福利，平時打扮密實幾乎張張相都包到冚嘅佢，唔知係咪去到法國巴黎度假嘅關係，即時變得放縱，激罕以超低胸短版上衣上陣，露腰之餘，最激係谷出堅挺雙峰，加上當時佢正身持咖啡杯放近心口位，巨胸幾乎可以變杯架，相當有料，而佢「禾桿冚珍珠」嘅身材亦成功一鳴驚人，風頭仲超越細妹嘅海邊寫真。