預告返家鄉馬來西亞　Gin Lee坦言未知歸期

歌手李幸倪（Gin Lee）現身音樂會，她透露本月8號會推出新專輯，昨晚（2日）就首次現場唱出其中一首新歌《虛榮》，她承認這是在環球的最後一張專輯，但與公司的合約還有一段時間，故完成《聲夢傳奇2》之後，她會返馬來西亞為父母慶祝生日，笑稱尚未知歸期，令人懷疑她是否準備秘密回鄉結婚？她笑說：「梗唔係，我仲有好多音樂嘢要做，好似今日做Live，令我諗番之前開騷嘅畫面，有好多靈感，想繼續做歌，事業上再做好啲。（結婚同做歌冇衝突？）係冇衝突，但冇結婚計劃，想做嘢先。」提到會與不同單位有傾合作，覺得自己可以自由發展，未來想與不同單位有不同的合作模式。

近日為《聲夢2》忙過不停，她透露要開會、㨂歌外，又要約參賽者個別教授，當中13歲的趙紫諾近日一鳴驚人，實力超班受注目，她稱：「我都唔確定自己13歲時唱歌係點樣，佢好犀利，年紀咁細，把聲咁厚，好鍾意佢，第一round我就撳佢，但搶佢唔到。」