次次過夜︱劉雯多次出入井柏然屋企　似足女主人

內地小生井柏然曾同女神鄭爽及倪妮等拍拖，最近就有傳撻着國際超模劉雯，二人被拍得踩單車斷正，即被指係拍拖，估唔到二人關係再升溫，劉雯再被拍得多次出入井柏然屋企，井柏然當日結束拍攝工作返到所住後，第二天一早，劉雯就同助手現身佢屋企小區附近，掃碼畀保安檢查過後立即閃入小區大門。

隔日朝早，劉雯出門口開工，收工後又同助手再度返回井柏然屋企。翌日，助手先至前往井柏然屋企接劉雯，佢就同助手去做核酸，隨後返回自己家中收拾行李去外地工作。劉雯多次出出入入，即被揣測已經融入井柏然家中，做半個女主人。