李璨琛同新人許靖韻合作　教唔好緊張

李璨琛（Sam）與許靖韻在香港開電視播出的劇集《黑金風暴》中飾演夫妻。除了是兩人首度合作，許靖韻更是第一次拍劇，加倍緊張，她說：「拍劇同電影唔同，節奏快好多，見到咁多對白，於是好緊張咁去背，佢就好nice，不停同我對戲，話對多幾次就得。」她笑謂拍攝前並不認識Sam，也被他過往電影中的凶神惡煞形象嚇倒，但見面後覺得反差相當大。

做了爸爸有個可愛女兒李元元的Sam現在是慈父模樣，他笑說：「畀我以前啲形象嚇親呢。我都同佢講，人就梗係會NG，我都會，所以放鬆啲，作為拍檔更加要畀信心佢，令佢唔好緊張，愈緊張愈衰，自己都做過新人，好明白新人嗰種緊張。」

劇中Sam是工作狂，夫妻對生BB出現分歧，許靖韻無意中看到丈夫手機，更添感情疑惑。問到現實中可會檢查伴侶手機﹖她說：「唔會，因為啲人成人講check男友、女友手機結果係唔開心。好耐之前都試過「天意」睇到，都見到啲女仔短訊。」笑問Sam女兒可有查看他的手機﹖他笑說：「個女要睇都睇MC（張天賦）啦，點會得閒睇我。」