姐妹情深︱米雪好煩？雪梨爆家姐花名叫「黑白天鵝」

藝人米雪與胞妹雪梨、關禮傑及資深演員高雄，今日（4日）齊為港台電視31節目《一起走過的歲月》錄影。米雪和雪梨表示會在節目中分享姊妹情，私下經常約見面飲茶傾扮靚和買衫經。問到兩姊妹可曾吵架？米雪話：「都有，但都係為小事，鬧完就算，冇隔夜仇。」而雪梨就爆家姐花名叫「黑白天鵝」：「佢日哦夜哦，我由得佢講，唔會走咗去，佢恰我。」米雪解釋是出於好意，因見面時間有限，所以難得相聚時會多提點：「咁佢已經做得好好，咪講啲唔好嘅嘢，等佢改善囉。」

而同場的關禮傑和高雄曾於1987、1988年拍合劇集《人海虎鯊》扮演父子，故感情要好。關禮傑表示稍後偕太太返加拿大度假一個月，待留港的女兒關楓馨在娛圈自由發展，不會長期睇實，又覺得如女兒多人追是好事：「證明佢有收視，不過佢都係工作為先啦。」又謂現時拍接戲，酬勞其次，主要睇劇本及體力，他笑言：「唔係後生，唔係咁捱得啦！」