紅到一撻撻　周秀娜全身過敏完到靚樣出事

性感女神周秀娜（Chrissie）由頭靚到腳，一副好身材更加為佢帶嚟知名度，不過依家佢轉形行演技路線，唔再淨係Sell性感，更添女人味，仲多咗好多戲路添，不過佢尋日（4日）就忽然喺社交網先爆，原來早前拍新戲時，已經全身過敏，不過好在個靚樣冇事，用衫遮一遮就可以繼續拍攝。點知依家佢就休息緊，竟然變咗塊面出事，兩頰明顯紅到一撻撻：「拍劇的時候全身過敏臉沒事，衣服遮得住不影響拍攝，放假臉過敏身沒事，不得不讚我的皮膚 #識時務 ?你怎麼那麼好?✨」有粉絲就擔心佢唔自係敏感咁簡單，仲有可能係玫瑰痤瘡，而玫瑰痤瘡嘅形成有機會都關情緒事，即刻留言嗌佢快啲去睇醫生，同埋放鬆身心，唔好咁緊張。