攞咗Jace「第一次」 馮允謙High爆4度Encore

2022年07月05日 17:01
東網電視
更多新聞短片
歌手馮允謙(Jay)繼續其演唱會,昨晚(4日)有金像導演莊文強、好友陳柏宇、李幸倪、梁仲恒、少爺占、ERROR隊長梁業(肥仔)和女子組合Collar隊長Gao、芯駖、Winka、Candy和Marf等捧場,Marf是Jay的忠粉,她全場落力揮動燈棒,又唱又跳,非常投入。表演嘉賓陳凱詠(Jace)出場與Jay手拖手合唱《Long D》,Jace說:「知道你請我做嘉賓,我一定一定要嚟,今次係我第一次做演唱會嘉賓。」Jay說:「你嘅第一次就畀咗我?」全場爆笑。
Jay感謝專程從加拿大回港的媽咪,每晚到場支持後回家煲羅漢果水給他,至於爸爸,Jay笑說:「爸爸嬲咗我,佢嬲我爆佢睇完第一場騷太攰,噚晚寧願喺屋企煲劇,所以今晚都唔嚟啦!哈哈,其實爸爸好錫我,每晚完騷返屋企,佢都會煮嘢畀我食。」他表示其創作深受爸爸影響:「我細個喺加拿大長大,但爸爸喺香港工作,太掛住佢就去摷佢啲嘢,點知搵到佢收埋好多錄音帶,佢特別鍾意梅艷芳、張學友嘅廣東歌,所以我細個成日聽。我發現自己最初寫嘅歌,都有啲90年代廣東歌嘅感覺。」他更選唱了張學友的《分手總要在雨天》和張國榮的《不羈的風》。
因為觀眾超級熱情,昨晚Jay當第四度出場,觀眾一湧上前,重重包圍舞台四周,非常墟冚,他激動地說:「我未試過第四次Encore,你哋真係好犀利,我想影張大合照留念。」然後全場大合唱英文歌《Preciously Mine》,離場時他一邊飛吻一邊講多謝。