連詩雅被大風吹起短裙　同陳家樂多Job接實屬巧合

藝人連詩雅（Shiga）、栢天男、張敬仁、陳欣妍及張達倫等今日（5日）出席活動，活動於戶外進行，因風勢頗大，Shiga除要兼顧髮型外，身穿的短裙亦數次被吹起，使她頗為狼狽。自宣布與男友陳家樂的訂婚後，兩人亦開始工不斷，她笑稱全屬巧合：「有啲係之前疫情延期，嚟緊又暑假多番啲活動，都開心嘅，生活上接近番正常模式。（回復正常出街拍拖？）其實我平日除咗工作都好少出街嘅，佢近排都忙，冇乜兩個人嘅時間，佢返工我瞓覺，佢放工就到我返工，好似有時差咁。」她坦言兩人近來以短訊溝通比面對面交談更多，因家樂現身在內地工作，要待他回港後才安排雙方家長見面，又透露將為一個關於愛情的真人騷擔任主持，會邀請素人伴侶分享愛情經歷，當中不少感人故事，亦令她學懂愛和珍惜。