金秀晶 韓國養眼巨峰

20220705
東網電視
更多新聞短片
金秀晶擁有激凸上圍,被稱為韓國網紅界中嘅著名巨峰之一。(互聯網)
韓國女星有幾索,相信唔少人都知道,只係如果問到韓國網紅可以有幾索嘅話,呢位超人氣網紅嘅名字大家一定要識,佢就係今日同大家見面嘅金秀晶。
模特兒出身
咁講並唔係誇張,因為佢嘅身材真係好誇張,尤其係嗰對激凸嘅車頭燈,被稱為韓國網紅界中嘅著名巨峰之一。喺韓國首爾出生嘅佢,初出道時係一位模特兒,憑住迷人嘅樣貌及出眾嘅身材,喺模特兒界薄有名氣,不過佢坦言由於當時仍未立志喺模特兒界發展,故此佢仍然尋找合適嘅朝九晚五工作。
一直以嚟對健身及營養飲食有興趣嘅佢,後來經朋友介紹下從事市場策劃嘅工作,亦因此認識唔少網紅。經過深入了解後,加上佢有模特兒演出經驗,令佢對網紅工作漸漸產生興趣,結果喺2020年開始喺社交平台上開設帳號,主要分享健美心得。話明係健美主題,擁有迷人身段嘅佢,梗係自己做生招牌啦,卻估唔到以密實健身Look登場,竟然成為網絡熱話!
營造逼爆效果
原因好簡單,當時身穿緊身運動服嘅佢,令魔鬼級身材展露無遺,一對巨乳勁吸睛,渾圓又結實嘅美股加埋一雙美腿,真係睇到男士心郁郁,令佢嘅人氣直線飆升,喺短短時間就已經成功吸納超過32萬粉絲,呢啲咪就係金秀晶嘅魔力囉!
之後佢愈嚟愈解放,從包到密實嘅貼身運動服,到加細碼T恤及運動內衣示人,火辣度超高。如果問點解要揀加細碼衫嘅話,只能慨嘆你真係太純情喇,因為只有加細碼衫,着喺激凸上圍嘅金秀晶身上,至能營造出逼爆衫嘅效果!雖然唔少男士嘅焦點落喺佢嘅身材及美貌上,但係大家唔好忽略金秀晶其實唔單止係健身迷,佢更係有專業資格嘅普拉提教練,呢個身份正好說明,點解佢嘅身材會咁Fit啦!
Profile
出生地:韓國
身高:168cm
三圍:34E-23-35
作為專業嘅普拉提教練,網紅金秀晶唔單止識得利用天賦本錢,喺社交網派發福利相展現火辣身材,仲以自己做生招牌,推廣普拉提運動及為健身中心做代言。此外,作為韓國索女嘅佢,當然亦唔少得為化妝品賣廣告,計落佢嘅吸金力真係幾勁喎!