李元玲自虐操出好身材　舉啞鈴驚現「瘀血青筋手」

馬來西亞鋼琴女神李元玲出名身材火辣，而佢為咗呢身Hot爆Body，付出不少血與汗，每日做Gym狂操兼控制飲食，呢日更自揭對自己極嚴厲嘅身材管理，完美身段真係得來不易！有網友請教佢維持身材嘅秘訣，佢就自爆之所以長期着住超緊身嘅壓力褲、露臍裝及窄身裙，就係為咗無時無刻監察住自己嘅體形變化，絕對唔會畀自己食得過量，與此同時佢更大爆舉啞鈴，搞到一對玉手損晒兼驚變「青筋手」，仲自言：「好身材的背後，其實都是自虐回來的，但也早已習慣。」真係愛靚唔愛命！