吳若希「女一劇」抵寧波正式開工　大合照戴祖儀意外搶FO

歌手吳若希（Jinny）早前被指重奪「一姐」之位三線發展，更於新劇《香港人在北京》升呢女一，日前佢已同一眾演員包括陳展鵬、洪永城、吳業坤及戴祖儀北上隔離，而呢日佢哋終於出關，仲已抵達第一站寧波，Jinny即於社交網大晒合照，並留言：「可以因為工作的關係來到寧波，還有時間去老外灘，我喜歡我們這一團人。」相中見陳展鵬帶埋老婆單文柔及囡囡「小豬比」同行，可愛嘅「小豬比」即成為眾人焦點，連戴祖儀都忍唔住冧爆表示：「小豬比super kawaiiiii！」有眼利網友指相中個個都結晒婚，只得戴祖儀一個仲係孤家寡人，紛紛催婚，戴祖儀就笑言：「好眼力！」