黃嘉樂疫下擺酒勁擔心 最想通關去土耳其再影婚紗相

20220706
東網電視
更多新聞短片
藝人黃嘉樂昨晚(5日)為無綫節目《好聲好戲》進行錄影,早前他向拍拖5年的圈外攝影師女友Samantha求婚成功,二人婚禮定於8月19日舉行。談到婚禮籌備工作時,嘉樂表示與未婚妻每天都留意防疫措施,他說:「都擔心措施會收緊,酒店方面都唔敢講得好實,暫時只可以招待120人。(請得晒啲親友?考慮分幾日擺酒?)其實係唔夠嘅,邀請人都有啲頭痕,因為做埋註冊,所以只會擺一日,啲好Friend嘅朋友可能要再約另一日食飯。」
近來忙於工作的他,坦言婚禮上很多事情也交給未婚妻處理:「佢想我專心工作,仲話最重要嘅事我已經處理咗,就係同佢影結婚相,哈哈。」他又自爆二人同屬性格火爆,但會錫住對方,每當對方指他惡時會立即道歉:「作為一個男人,肯誠心認錯即係愛惜另一半,我自己都學習緊,佢都改變咗我好多。」問到會否出埠度蜜月?他指若通關希望到土耳其多影一輯婚紗相:「有攝影師朋友話土耳其影熱氣球好靚,其實我自己好想去玻利維亞影天空之鏡,我仲曾經幻想過喺當地求婚。」