盧慧敏自爆冇同過Ian入戲院拍拖:着重心靈交流多啲!

2022年07月06日 22:17
東網電視
更多新聞短片
藝人盧慧敏(Amy)和梁仲恆今晚與陳嘉寶、林熙彤一同出席戲院開幕活動,盧慧敏和梁仲恆份屬同門,同樣身材高大,因高度接近,揚言互望對方視線好舒服,他笑言跟她便毋須擘大腳企作遷就,問到將來可會合作演情侶?他則講笑:「演母子都得,講笑我個樣生得佢出。」
Amy稱向來鍾意入戲院睇戲,但從未試過同男友陳卓賢(Ian)入戲院拍拖,她喜歡與自己的戲癡朋友睇戲多點,問是否驚撞到男友粉絲?她說:「係我自己booking滿,覺得搵啱人做啱嘅嘢,我哋嘅娛樂都係睇戲,不過喺屋企睇,着重心靈交流、食飯傾偈多啲。」她稱還未知有冇MIRROR演唱會飛,不過如果現場睇一定會大叫。
而梁仲恆則有份入圍金像獎最佳新演員及最佳男主角兩項提名,他稱睇好柯煒林奪新演員獎,他說:「佢最大機會,同我哋唔同層次,佢係第二個層次。(佢阻住同你爭獎?)無法,我生不逢時,我入圍已經好叻仔。」至於男主角獎就睇好林家棟,大讚家棟演技流暢,鬆緊自如,無法挑剔!