演唱会商品冇得优先订购　MIRROR粉丝怒插：入会有乜用？

人气男团MIRROR将于7月底举行首个红馆演唱会，寻日（6日）MIRROR社交网就发布演唱会周边商品嘅相片，当中有襟针、口罩、相集、毛巾、应援扇等，任君选择。不过有课金入官方歌迷会嘅粉丝（MIRO）就非常不满今次嘅周边商品冇得优先订购，更怒插：“唔知MIRO有啲乜系优先，演唱会飞无得优先订，连周边都无得优先订，不如讲吓入会有乜用？”又有粉丝话：“完咗演唱会先出货，买黎做乜？”、“都唔知边个设计既，仲肉酸过上年嘅。”睇得出一班粉丝好嬲嬲猪呀！