胡杏兒初嘗「生女」滋味　囝囝呷晒醋扭計爭寵

藝人胡杏兒於內地發展順利，近日仲因真人騷《乘風破浪》帶挈人氣再升，現時身在內地落力拍攝嘅佢，此行仲帶埋細仔同行傍住開工，有網民日前喺社交網甫出短片，指帶童星囡囡同胡杏兒拍戲，又留言表示：「小寶有幸出演胡杏兒的女兒，當真兒子遇上假女兒，一場爭母大賽就此展開......」片中見杏兒抱住B女，盡顯母愛一面，而在旁嘅囝囝即時呷晒醋，不停爭寵扭計要求媽媽抱抱，捉實杏兒唔放，場面搞笑！