谷愛凌升格國際時尚寵兒　「哪吒頭」現身巴黎時裝周登熱搜

「滑雪女神」谷愛凌（Eileen Gu）以金牌運動員躋身名流圈子，升呢「巨星」，早前佢現身法國康城電影節後，即轉飛美國紐約出席《時代》雜誌百大影響力名人晚宴，跟手就急往英國倫敦參與品牌珠寶展，足迹遍布各國，成為國際時尚界寵兒。日前佢就飛返法國巴黎，亮相巴黎時裝周睇騷，見佢以全白女神裝上陣，上半截極浮誇荷葉邊設計，再戴上橙色太陽眼鏡，則紮上雙丸子哪吒頭，全身潮到爆成功搶FO，仲火速登上話題熱搜榜，人氣一時無兩！