《教父》老牌男星占士堅離世　眾星哀悼

從影超過半世紀的《教父》（The Godfather）美國老牌男星占士堅（James Caan）昨日離世，享年82歲。

占士堅的家人於昨日透過他的社交網站發聲明宣布他的死訊：「帶着哀痛地宣布占美（占士堅）於7月6日晚上離世。」而家人亦多謝Fans的愛及慰問。暫時家人未有公布他的死因。占士紅遍70年代，72年他憑哥普拉（Francis Ford Coppola）的經典黑幫電影《教父》中古良年家族的辛尼（Sonny Corleone）一角走紅。他在道路收費亭被仇家亂槍掃射身亡的一場戲成為影史上最經典鏡頭之一，後來，TVB劇集《上海灘》結局中許文強被殺的一場亦翻玩過。當年占士憑《教》獲《奧斯卡金像獎》最佳男配角提名，亦是他人生中惟一一次奧斯卡提名！此外，他亦提名過《金球獎》以及《艾美獎》。而曾與占士在《教》、《霧雨飄飄淚兩行》（Rain People）等片中合作過的哥普拉都有發聲明哀悼老拍檔。哥普拉說：「從早期一起合作（《霧》）合作，再到我生命中嘅每個里程碑，占美可以講係貫穿咗我嘅人生。佢嘅電影同佢飾演嘅眾多偉大角色，永遠都唔會被遺忘。佢永遠都係我嘅老朋友辛尼（《教》角色）、我嘅同事、我認識之中最有趣嘅人之一。」而在《教》飾演占士弟弟米高的阿爾柏仙奴（Al Pacino）表示：「占美係我電影裡嘅兄弟，亦係我一生嘅朋友。佢一直好有活力同夠大膽，所以如今真係好難相信佢已不在世。佢係一個偉大嘅演員同傑出導演，更係我親愛嘅摯友。我會想念佢。」而在《教父續集》中飾演「教父」年輕時代的羅拔迪尼路（Robert De Niro）亦表示聽到他的離世而非常難過。

除了《教父》之外，他90年代亦主演過由恐怖小說作家史提芬京（Stephen King）小說改編的電影《危情十日》（Misery）。在片中他飾演小說作家因交通意外受傷，並被女狂迷禁錮。美國女星嘉菲碧絲（Kathy Bates）憑女狂迷一角勇奪奧斯卡影后。由於《危》當年在港上映大受歡迎，後來就連周星馳和張曼玉在《家有喜事》中都將該片惡搞。執導《危》的導演洛連納（Rob Reiner）在占士離世後亦有留言表示很愛與他合作。而嘉菲亦有留言哀悼舊拍檔，她說：「我唔能夠相信占美已離去，同佢在《危情十日》中共事係我事業中最深刻嘅經驗。」而她亦大讚他在片中的精彩演出，亦好友善及搞笑。

此外，曾與占士合作過的一眾影星包括《蒸發密令》（Eraser）的阿諾舒華辛力加（Arnold Schwarzenegger）亦有於社交網留言致哀。他說：「占士堅係一個標誌性人物、一個傳奇，佢激勵咗每一個合作過嘅人。我好幸運同佢合作過，親眼見證佢嘅才華同好勁嘅幽默感。佢亦係個好好嘅健身夥伴、一個真正嘅朋友。我會想念佢。」