湯洛雯備受無綫力捧　爸爸湯鎮宗竟鼓勵離巢外闖？

無綫花旦湯洛雯（靚湯）備受力捧，早前更「3連發」同期推出《金宵大廈2》、《雙生陌生人》及《OPM》3劇，曝光率爆燈，不過其爸爸湯鎮宗近日接受內地訪問時，竟然鼓勵囡囡離巢向外闖！湯鎮宗坦言自己處於半退休狀態，對演藝事業已無欲無求，反而對囡囡寄予厚望：「希望我女兒往上走，希望她拍多一點戲。」佢續指初時曾擔心囡囡捱唔住，但見靚湯即時通宵拍劇都可以堅持故再冇反對：「這說明她對這份工作有熱愛，我就沒有再反對了。有熱愛就可以做下去，如果純粹為了賺錢，是做不長久的。」而TVB出身、早在90年代已離巢北上發展嘅佢，就以過來人身份鼓勵靚湯離開熟悉環境向外闖：「演員老待在一個地方，進步空間會比較小。去一個新的環境，有新的對手，人的潛能才會激發出來。」