潘靜文揀何晉樂唔要張馳豪：好悶呀！

「聲夢」何晉樂（Rock）與潘靜文（Sherman）今日（10日）出席《聲夢傳奇2》粉絲見面會，2人擔任司儀及獻唱歌曲，講到心水學員，Sherman表示睇好金永衡：「我一眼就已經睇到佢，覺得佢好有明星感覺。」Rock則看好黃洛妍，大讚對方演繹歌曲時感情到位，並期待大家之後的演出：「我相信佢哋仲有秘密武器未出，今屆好多人識跳舞，我想睇佢哋跳舞。」

另外，Sherman透露已錄好首支個人新歌：「不過未拍MV，要等MV拍完先可以公布。我原本搵咗一個導演拍，但對方冇期，所以要搵另一個。新歌係情歌，亦係我個人經歷。（搵你個螢幕CP張馳豪做MV男主角？）唔好，好悶，可能搵Rock。」Rock即謂樂意為對方MV拍攝。