占基利息影前最後一擊　演超音鼠宿敵乜都試

加拿大喜劇男星占基利（Jim Carrey）於電子遊戲改編的《超音鼠大電影2》（Sonic the Hedgehog 2）再次飾演大奸角蛋頭博士，今次真正用遊戲中光頭鬍鬚形象出場！

占基利於首集用賴以成名的浮誇演繹去演蛋頭博士，大獲好評，談到今次再演時，他表示：「我係乜都試，睇吓邊種會有效果。我好熟悉個文本，之後我當然係想以唔同方式去呈現。我畀咗好多材料導演，好多情感，唔同層次嘅卡通感。如果佢哋容許，我可以試成晚都得！」

他早前表示今次將會是息影前最後一部作品，未知已準備開拍的《超音鼠大電影3》會如何安排？