蔣麗莎晒激凸上圍賀結婚周年　陳浩民最冧

藝人陳浩民同太太蔣麗莎婚後多年仍愛得黐纏，唔經唔覺已經到咗結婚11周年鋼婚，佢哋就貫徹愛留倩影嘅「傳統」，上載大批專登搵攝影師影嘅靚相，去到私家泳池大玩下水禮，當中就見到蔣麗莎以純白開胸露腰泳衣出戰，相當吸睛。見佢大玩中門大開，胸前大Cut out晒事業線，仲順勢露埋長腿，真係睇到大家心心眼。而陳浩民就以花恤衫襯打底白Tee，未有搶老婆風頭，果然識做。