馬浚偉教育學校出7名滿分高材生　頒發獎學金以作鼓勵

藝人馬浚偉今日（13日）主持他的教育學校頒獎禮，在剛過去的國際文憑大學預科試，其學校的學生有7名考獲滿分，另外32名獲42分，成績不俗，他透露今日會給同學頒發獎學金作鼓勵，笑稱是小數目，當請食餐豐富晚餐，他稱學校開辦了9年國際試班，今年會首辦DSE試班。

他不介意提及當年自己會考成績差強人意，只有4科合格，不過Art最出色獲A級成績，他說：「所以我想講，成績重要，但絕對唔係全部，唔好畀自己壓力，我都係例子。」其實他一直好學，發覺人愈大愈覺得不足，故不停讀書進修，透露近日學英文，想打好基礎，並非為了考試，他說：「之前北大讀完管理學2年畢業，想再讀有關藝術課程，同一時間我仲有讀緊一個網上海外遙距課程，預計年尾畢業，等我成功畢業再話畀大家聽。」

現場學生們搞笑地給他頒發「最靚仔尖子策略師」獎作回禮，大家可謂打成一遍。他笑謂：「個個戴住口罩都靚啦！好好笑，好多朋友叫我着多啲西裝，覺得我着西裝好睇，以前啲人話我似上海人，依家就話似韓仔，轉咗口風。」