陳約臨返日本與老公團聚　圈中好友送機

藝人陳約臨（Kelly）早前出發前往日本與美日混血兒老公團聚，學做日本新抱，此行同時為開電視拍攝旅遊節目《重新出發》日本篇，一落地將會開始拍攝，行程緊密。與無綫正式完約，賓主關係告一段落，不過她與舊當家一班好姊妹的感情則情比金堅，其中陳詩欣更到機場送機，難捨難離，唔知仲誤以為是移民送別。

Kelly說：「佢無喊，不過我覺得佢係忍住，而且我好快就會返嚟，佢就不停叫我快啲返。」她表示已計劃好與姊妹們一起旅行，遲些不用隔離時，她們一齊來日本玩。回到東京的家，她打開門看到全個客廳都放滿波波，如跳入波波池，好繽紛，她說：「原來老公準備歡迎我，我見到瘋狂咁喊，其實我嚟日本係勁驚人生路不熟，老公畀呢個驚喜我，好開心。」