曹格老婆吳速玲孖仔女度假　火辣比堅尼下廚極誘人

歌手曹格老婆吳速玲婚後專心湊住一對仔女，不時都喺社交網分享生活點滴，深受網民歡迎。不過早前有傳佢哋婚姻關係出現變化，喺前日（14日）吳速玲就喺社喺網貼出靚相，見佢着上火辣嘅豹紋比堅尼，大晒性感北半球加小蠻腰，非常養眼。而佢身後嘅一對仔女就喺泳池玩水，相當開心。

吳速玲喺貼文寫到：「暑假到了就想帶小孩泡泡水，剛好看到一家新開的酒店泳池和餐廳都很美，立刻下訂帶小孩出去玩水。小孩玩水的玩水，打球的打球，我就負責曬好曬滿，今年也是一樣要黑金，曬黑金一定要上油，這樣曬出來才會黑亮。」之後佢仲三點式上陣，下廚整拿手小菜「松露香料蝦」，仲話自已帶咗4包蝦過去，全部被秒殺，又去咗酒店附近食小炒，仲自嘲食量係無底洞，認真搞笑！