金像獎︱馬國姑娘廖子妤奪最佳女配角　來港10年夢想成真

《第40屆香港電影金像獎》最佳女配角，由同時獲兩部電影提名的廖子妤憑電影《梅艷芳》奪得，谷胸上陣的她接過獎項時喜極而泣，她表示：「多謝金獎，我好多謝家人。」身為馬來西亞人的她隨即轉用國語帶哭腔說：「爸爸媽咪在電視機前面，多謝你哋無條件支持我。」她又感謝電影台前幕後、梅艷芳、梅愛芳及對手王丹妮等，她感性續說：「今年係我來港滿十年，我由一個人都唔識到依家望住台下有好多我嘅朋友、合作過對手同導演，多畀機會我，畀我有機做戲，榮幸夢想喺香港成真，多謝你哋受埋我玩，多謝！」

廖子妤在後台接受訪問期間，廖母突然以視像電話致電Fish，她邊通話邊落淚。受訪時，她自言想不到自己會如此緊張，前一晚甚至緊張到失眠，她笑言自己會興奮一個月，打算請全公司同事去船P慶祝，她說：「最想打電話畀家人，相信佢哋都喊得好犀利，爸爸喺印尼工作，媽媽妹妹喺馬來西亞，一家人長期分隔三地，爸爸話今晚會訂房同同事睇金像獎。」問到會否加片酬﹖她即轉身問經理人，並謂想大製作繼續找她開工，最想拍武俠片，最重要是有型，她再次多謝香港：「畀一個乜都唔識嘅我嚟呢度生活同學嘢，呢個係最感激。」