談與高雲翔離婚　董璇憶遭一沉百踩：我也可以掉頭走

內地氣質女星董璇與高雲翔自2019年離婚後，已立即復出鏡頭前，近日佢參加內地真人騷《五十公里桃花塢》第二季，佢同資深藝人宋丹丹揸車吹水時，終則首次談起二人離婚內幕。高雲翔喺2018年在澳洲捲入性侵案，人氣直線插水，當時董璇選擇出手幫助高雲翔被鬧，董璇感嘆，當時有啲朋友冇幫手就算，有啲更轉發相關新聞當睇笑話！激到佢由嗰時開始看清人情冷暖，好在依家佢已走出風波，個人變更強大，依家係佢人生中最好狀態。

董璇表示自己當時並唔係原諒高雲翔：「他遇到事了，我也可以掉頭走、不管了，但我覺得他爸媽身體也不好，他在當地沒朋友、沒人管。」所以董璇選擇站出來幫高雲翔，但董璇英文都唔好、當地亦冇朋友，佢一人扛起所有事，直言當時生活完全係一團糟。

不過董璇當時一滴眼淚都冇流過，笑言：「我懷疑淚腺堵住了。」董璇又同自己講要撐住，自己家有老小，仲要養家：「要是垮了怎麼辦？沒有人幫得了你，只能是自己。如果沒有孩子，處理方式也會不同，但為母則強，才會扛起這個責任。」睇到網友都大嗌心痛，祝福佢早日搵到第二春。