波波自封「智慧波」　帶隊挑機吳偉豪4兄弟

身材嬌少的女神鄺潔楹與黃婧靈（波波）、陳欣茵、杜穎珊今晚（18日）組成「哈比」隊，與吳偉豪4兄弟及爸爸的「吳條煙」在無綫遊戲節目《思家大戰》中對壘。波波自言輸人不輸陣，自封是「智慧波」是隊中智慧擔當，鄺潔楹則負責搞氣氛，她說：「頭先綵排嘅時候，吳偉豪佢哋嗰隊比較靜，所以我哋都要搞吓現場氣氛。」講到可有看中吳家四兄弟？她說：「反而留意到佢阿爸對眼好與別不同，最震撼係佢哋個個都好似樣。」她又自嘲擇偶條件膚淺，最緊要合眼緣。

最近到佛山拍攝完劇集《一舞傾城》的她，拍攝後覺得新劇並不似台劇《華燈初上》，她說：「劇組搭咗個90年代夜總會場景，感覺自己好似真係去咗90年代做舞小姐咁。」不過，她透露劇中未有激情戲份，反而有不少動作場面，但卻是被打的戲份。