藝人戴祖儀與周嘉洛於無綫新劇《回歸》組成CP，笑指二人拍攝前雙方並不認識，幸雙方性格均很貪玩及精力充沛，故合作時相當舒服，亦會有意想不到的效果，她說：「我哋拍每場戲之前都會度位、度對白。嘉洛係細心體貼好對手，我唔多拍動作戲，要飛出去、再跌落地下碌都係第一次，嘉洛好細心，去到啲壆位會用自己肉身幫我擋。」更笑指他們的嗌交戲經典對白，絕對是「低能無聊幼稚小學雞」真實對白：「因為嘉洛成日都會整蠱大家，有一次我好真心用咗呢句嘢話佢，然後我就諗喺劇入面都可以咁用喎。」而今晚（19日）一集，游嘉欣更與吳偉豪有大膽床戲，令人引頸以待。