加州超豪大宅曝光！吴彦祖有Taste　转手袋300万

吴彦祖（Daniel）早前带埋老婆Lisa S.以及9岁女吴斐然（Raven）出席剧集《西部世界》（Westworld）首映礼，大家好羡慕一家三口嘅神仙颜值，不过估唔到原来佢因考虑Raven升学问题，计划由湾区搬到洛杉矶居住，有网民仲爆料指Daniel位于奥克兰的豪宅一挂牌已以全现金交易形式成功放售！

Daniel嘅复式大屋位于美国加州奥克兰Upper Rockridge社区，系豪宅区，环境清幽，大屋面积达3,948平方呎，共有5间房，设计充满现代感，客厅摆咗两张米白色梳化，饭厅设有张餐枱，户外花园就有齐草地、泳池及烧烤炉等。卧室位于大屋上层，主人房有衣帽间、超大浴室及休息区，露台亦可欣赏花园靓景，加埋大大个健身室，真系大众Dream House。

据知Daniel喺2020年以390万美元（约3,062万港元）买入大屋，最后以429.5万美元（约3,372万港元）售出，网民大赞豪宅设计有品味，更笑言有可能系粉丝买入，仲可以瞓男神瞓过嘅床，相当搞笑！