肥仔@ERROR驚喜客串《I SWIM》　袁澧林劇透同Jeffrey有接吻戲

由Edan、魏浚笙（Jeffrey）及袁澧林（Angela）主演的ViuTV劇《I SWIM》最近熱播，有份客串的肥仔@ERROR今晚（20日）會現身飾演天才學生。肥仔為討好女神Angela大耍功夫又彈琴，但最終不敵Jeffrey。肥仔表示劇中飾演的天才學生與現實相近：「呢啲功夫現場爆出嚟㗎咋，搞到爆晒汗！加上拍前一晚先收到劇本，所以我先係天才，頭先場邊貪玩耍幾吓出嚟，點知導演話好啊，咁就成為劇情嘅一部分。」而Angela就劇透她和Jeffrey有接吻戲，肥仔即笑言要幫忙做替身。Angela十分識做笑說：「佢哋兩個都係好好錫嘅對象嚟嘅，今次角色都好有正義感，但成日都做埋啲傻事，跟住故事就要靠大家自己睇啦。」