高海寧連身泳衣有驚喜　前露線頭後有背溝雙線齊下

無綫咪神高海寧（高Ling）早前去完旅行，即趕返香港為主演新劇《童時愛上你》宣傳，不過玩到創晒嘅佢似乎仲未完全投入到工作模式，一有時間就偷閒去到沙灘，享受陽光與海灘，日前佢就喺社交網大晒出海靚相，但就只係着住白色吊帶小背心，冇着泳衣，仲「封胸」收埋「咪咪」，不過其實好戲在後頭，呢日佢終於晒出泳衣相，見佢雖然以橙色一件頭水着上陣，但依然遮唔住有料上圍，即使平領設計，心口位置都勁突出，走漏線頭，背面仲暗藏「蠱惑的窿」，露出白滑玉背以及迷人背溝，正面背面一樣咁好睇！其弗爆身材仲引來好友無綫花旦湯洛雯羨慕，問佢點解食咁嘢依然可以咁瘦咁索。