佗B鍾嘉欣最後一擊？疑客串《星漢》慘被家暴

趙麗穎今年被由內地上位小生吳磊及趙露思主演嘅甜寵劇《星漢燦爛》，最近勢頭勁，更一度打低「千億點擊女王」趙麗穎新劇《幸福到萬家》，網上評價更高開7.4分，當中有劇迷等更新時，多手搜尋劇中演員資料，竟赫然發現藝人鍾嘉欣都喺演員名單之列，飾演被家暴嘅「曲冷君」一角。久休復出嘅鍾嘉欣，近年多留守加拿大照顧一對仔女，直到2020年再次回歸，當時有傳佢拍攝《星空下的仁醫》時片酬近10萬一集，如今佢第3度懷孕，網友都知要等「最美孕婦」生完先可以再見人。

估唔到罕有北上賺人仔嘅鍾嘉欣，會「現身」《星漢燦爛》，該劇於2021年進行拍攝，網民嘆昔日TVB主角要演配角，不過有眼利網民就指，「曲冷君」一角其實係由內地女星予辰演出，不過呢位90後小花曾經改名做「鍾嘉欣」，網上先會流出鍾嘉欣出演內地劇集嘅烏龍事件。