郭晉安分享演藝歷程　做乜搞到胡定欣眼濕濕

藝人郭晉安與胡定欣今日（21日）在銅鑼灣宣傳無綫新劇《白色強人II》，兩人在劇中互相爭逐醫院權力，鬥智鬥力，戲味十足，空降擔任院長的定欣笑說：「角色初期都幾唔受歡迎。」

實際上今次是兩位視帝、視后首次在劇集中正面鬥戲，她笑說：「好耐之前試《美麗在望》、《古靈精探》都同劇合作過，安仔都係做我家姐嘅男朋友，第一日開工已經感受到安仔嘅氣場，對我嚟講好有意思，要自我提升，邊拍邊學。」

安仔則感謝定欣在拍攝期間讓他了解，加深彼此認識，以增加戲劇表現。定欣說：「喺內地嗰陣，我哋兩個去咗茶餐廳傾偈，安仔同我分享咗好多演藝生涯嘅珍貴時刻，都聽到我眼濕濕，好多謝佢願意同我分享。」