最新傷勢曝光︱林志穎車禍正面畫面流出　坐駕撞安全島車頭粉碎

台灣「不老男神」林志穎尋日（23日）喺台灣桃園，揸車送6歲兒子Jenson去參加賽車途中，發生嚴重車禍，繼警方較早前亦公布出事現場閉路電視畫面外，今日（23日）又有最新閉路電視畫面曝光，用另一個角度從正面睇林志穎架車出事經過。喺片段中睇到林志穎架車行到分岔路口嗰陣偏移，直接撞上安全島及指示桿，車頭即刻爛晒兼起火。而車禍地點附近為工程施工嘅工人，即刻過去幫手救援，有工人拎住滅火器上前幫手救火，之後有幾名工人強行將腳卡咗喺車入面嘅林志穎拉出嚟，抬到去路邊，工人們仲貼心拎埋喺工地用嚟大遮嚟畀林志穎遮太陽，冇耐之後消防車同救護車就到場，將林志穎送往醫院。

林志穎弟弟林志鑫今日被問到目前林志穎依家喺一般病房，定係加護病房？佢就低調表示依然唔方便透露，只以8字回應：「今天病況相對穩定。」並且預計會喺下月周一可以對外透露傷勢。