關楓馨拒回應拖住紋身新歡入酒店一事：都係工作行先！

「星二代」關楓馨去年參選港姐成功躋身最後5強，雖然未能打入3甲，但決定留港展開演藝事業，簽約無綫後也機會不斷，於不同的劇集客串，實行一切從低做起，最近她便於無綫劇集《回歸》飾演秘書，即使戲份不多，但受訪時笑指拍攝過程見到不少前輩，從他們身上亦學會不少東西：「睇佢哋演出學到嘢，今次我得幾場戲，所以抱住純粹學習心態，之前喺唔同劇組都有學，但今次起碼知道發生咩事，識得望機會（有冇趁機請教前輩？）我唔想麻煩人哋，都係喺旁邊睇嚟偷師。」

忙於拍攝新劇《你好，我的大夫》的她，興奮表示此乃首套有角色的作品，劇中飾演骨醫師，起初的確有少許緊張，幸現場有真正醫師指導他們，確保他們以正確方法處理。

而早前被指到拖住紋身新歡入酒店，問到是否愛得痴纏？關楓馨害羞表示：「感情事唔講啦，依家都係專注工作（爸爸睇完報紙冇問你？）家人會關心，但知我唔會分心，都係工作行先。」