Edan延續《I SWIM》氣勢　8月鬥《季前賽》姜濤Ian

上周五（22日）由MIRROR成員Edan、Stanley以及人氣男神魏浚笙（Jeffrey）等主演ViuTV原創劇《I SWIM》終於迎嚟大結局，被網民一致負評嘅口碑搞到導演馮志強都要跪低，本身打住各大男神集體騷肌嘅頭威，點知結局被狠批唔合理兼離地，隨時拎「年度膠劇」嘅危機。不過，ViuTV都已Mark好，將本年度重量級原創劇《季前賽》緊接於8月29日首播。

今次有MIRROR「人氣王」姜濤擔正做男一，出名愛籃球嘅佢不時打街場被野生捕獲，未睇劇都知佢本人都Match個角色，而《季前賽》全劇20集，隊友陳卓賢（Ian）就會同姜濤做對手，前者嚟自「翰林大學籃球隊」，預告中更出現Ian露出奸樣，似乎形象大翻新，同樣未播出就已收足噱頭。