黃宗澤玩直立板笑容滿臉：三十幾度梗係要出海啦！

藝人黃宗澤（Bosco）剛剛為英皇電影《紮職3》拍攝完畢，Bosco向來喜歡水上活動，不時都會出海玩Wakesurf，今日趁住不用開工，他即出海玩直立板，更將相片放上社交平台，笑容滿臉的他於海中甚為享受，他更配文寫到：「大暑喎！三十幾度梗係要出海啦！」

而他接受東網訪問時說：「呢排時間鬆動啲，主要都係搞餐廳同自己公司嘅嘢，平時開工我都超想出海，我哋呢啲係水上人嚟㗎嘛！趁住有時間，仲唔瘋狂出海咩！不過今日都熱到癲咗，好在唔使開工拍嘢，唔係真係大鑊，都戥拍緊嘢嘅朋友辛苦。」